நயா பைஸா செலவில்லா வாழ்க்கை

நான் கூட ஒரு பைசா செலவு செய்ததில்லை. அதுவும் பிறந்ததில் இருந்தே செலவு செய்ததில்லை. என்னா அதை நான் பார்த்ததும் இல்லை, அது புழக்கத்திலும்  இல்லை. 

ஹஹ்ஹஹ்ஹா.. :-)) 

இதுதான் 1 பைசா

இப்போதெல்லாம் 50 பைசாவே புழக்கத்தில் இருந்து கிட்டத்தட்ட மறைந்து விட்டது. 50 பைசாக்களில் முடிந்த பஸ் கட்டணங்களையும் கூட அண்மையில் 1 ரூபாய்க்கு round off செய்து விட்டார்கள். சில மிட்டாய்களும் முன்பு 10 பைசாவுக்கு விற்கப்பட்ட சுபாரி பாக்குகளும் மட்டுமே இன்னும் 50 பைசாவுக்கு கிடைக்கின்றன. அதற்கு கீழான பைசாக்களைப்பற்றி கேட்கவே வேண்டாம். அப்படி ஒரு விலையே இல்லை.

Jokes apart, whether living this kinda life is possible or not? தனக்கு தேவையான காய்கறிகளை விளைவித்துக்கொள்ள தனக்கென்று ஒரு நிலம் வேண்டாமா? அதுகூட இல்லாதவர்கள் என்ன செய்வார்கள்? அடுத்தவர் நிலத்தில் விளைவித்துக் கொள்ளலாம் என்றால் வாடகை கொடுக்க வேண்டியிருக்குமே. அதனால் பைசா செலவில்லாமல் வாழ்க்கை என்பது இயலாத காரியம். சும்மா ஒரு பிரச்சாரத்துக்காக கவனத்தை கவர செய்யலாம். 

ஆனால் மிகக் குறைவான தேவைகளை வைத்துக் கொண்டால், மிகக் குறைவான செலவில் வாழ்வது சாத்தியம்தான். அதுவும்கூட அந்த வாழ்வு ஆரோக்கியமான வாழ்வாக இருந்தால் மட்டுமே சாத்தியம். விஷத்தை உண்டு, விஷத்தை சுவாசித்து வாழும் சுற்றுச்சூழல் சீர்கேடான இந்த தலைமுறையில் நோய் நொடி என்பது எல்லா நிலை மனிதர்களிடமும் வெகு சாதாரணம். அதனால் உணவு மற்றும் ஆடம்பர தேவைகளை குறைத்துக் கொண்டாலும் கூட, மருத்துவ செலவு ஆளை கொன்று விடும். அதற்காகவாவது பணம் சேர்க்கத்தான் வேண்டும்.

இதுவும்கூட தனிப்பட்ட ஒரு மனிதனுக்கு மட்டுமே சரிவரும். குடும்பஸ்தர்களுக்கு குழந்தை வளர்ப்பு, கல்வி, அவர்களின் திருமணம் என்று அவனை சார்ந்திருக்கும் பல செலவுகள் உள்ளன. அவற்றிற்கும் சேர்த்து பொருள் ஈட்ட வேண்டியுள்ளது. 

ஆக இதையெல்லாம் காதால் கேட்டு கருத்தில் கொண்டு விவாதிக்க மட்டுமே சரிவரும். வாழ்க்கையில் பொருத்திக்கொள்ள முடியாது. இருந்தாலும் ஒரு விழிப்புணர்வு என்னும் அளவில் இவரின் உதாரண வாழ்வு பாராட்டத்தக்கது.

*

செலவு செய்யாத இம்மனிதரை போல பல வருடங்களாக தூங்கவே தூங்காத சிலரும் இருக்கிறார்கள். தமிழ் சினிமாவில் பாடல் எழுதிவரும் கவிஞர் முத்துலிங்கம் தான் தூங்குவதே இல்லை என்கிறார். தூக்கம் வருவதேயில்லை என்று தெம்பாக பேட்டியளிக்கிறார். அதேபோல் யோக கலையில் தேர்ச்சியான ஒரு சீனரைப் பற்றியும் சமீபத்தில் படித்தேன். அவரும் தூங்குவதே இல்லையாம். தன்னுடைய களைப்பை தியானத்தின் மூலம் போக்கிக் கொள்வதாக சொல்கிறார். மிக திடகாத்திரமான உடலைக் கொண்ட அவரின் வயது 70 என்பது கவனிக்கத்தகது. 

(இந்த இடத்தில் உள்ளத்தின் நான்கு உணர்வு நிலைகள் பற்றி நினைவுக்கு வருகிறது. ஜாக்ரத், ஸ்வப்னா, ஸஸுப்தி, துரியத், துரியாதீதம். அவற்றை பற்றி பின்னர் ஒருநாள் விரிவாக)

சிலர் சாப்பிடுவதேயில்லை. அல்லது மாற்று உணவு பழக்கங்களை கொண்டிருக்கிறார்கள். அதாவது தண்ணீர் மட்டுமே அருந்தி வாழ்வது போன்று. 

இன்னும், சுகவீனமே அடையாதவர்கள், உடலில் மின்னோட்டம் கொண்டவர்கள், நீரில் மிதப்பவர்கள் என்று விந்தையான மனிதர்களையும் அவர்களின் வாழ்க்கைமுறைகளையும் பற்றி கேள்விப்படும்போது மனித படைப்பில் மறைந்துள்ள ரகசியங்கள் அதிசயிக்க வைக்கின்றன. 

மேலும்...

இந்தியாவின் தாராளமயமாக்கம்

தாராளமயமாக்கத்தை தள்ளிப் போட்டிருக்க முடியுமே தவிர தவிர்க்க இயலாத ஒன்று என்பதே நிதர்சனம். காரணம் இந்தியாவை பொறுத்தவரை அதன் சந்தை பொருளாதாரத்தை நிர்ணயிப்பது எண்ணை பொருளாதாரம்.

அப்படியாக தவிர்க்க இயலாமல் நாம் திறந்த விட்ட சந்தை பொருளாதாரம் எந்த மாதிரியான விளைவுகளை இந்தியாவில் ஏற்படுத்தியுள்ளது; மற்றும் எந்த மாதியான விளைவுகளை ஏற்படுத்த உள்ளது? 

ஆழமாக சென்று அலச வேண்டிய தலைப்பிது. யாருகாவது ஆர்வமும் நேரமும் இருந்தால் பேசலாம். முன்பாக என் சில கருத்துகள் இங்கே சுருக்கமாக.

1. சந்தை பொருளாதாரத்தின் நன்மை தீமைகள் அந்தந்த நாடுகளை பொறுத்தே அமையும். இந்தியாவை பொறுத்தவரை அதன் மக்கள் தொகை காரணமாக சந்தை பொருளாதாரம் ஏற்படுத்தி வரும் விளைவை rich get richer and poor get poorer என்னும் பழைய catch phrase எளிதில் விளக்கும். பொருளாதார ஏற்றத்தாழ்வுகளை சரிசெய்ய முன்பு இருந்த வாய்ப்புகளை முற்றிலுமாக களைத்து போட்டு இந்த தாராளமயம் நம்மை முதலாளித்துவ சித்தாந்தங்களுக்குள் சிக்கவைத்து விட்டது. இதிலிருந்து வெளிவருவது என்பது தற்கால அரசியல் சூழ்நிலைகளை கணக்கில் கொண்டு பார்க்கும்போது இனி முடியாது. அதனால் இதற்குள் இருந்துகொண்டு என்ன மாதிரியான நன்மைகளை உண்டாக்கிக்கொள்ள முடியும் என்பதை ஆராய வேண்டிய காலகட்டம் இது.

2. சமூக பொறுப்புணர்வுக்கும் சந்தை பொருளாதாரத்திற்குமான தொடர்பு நிலை உறுதிபடுத்தப்பட வேண்டும். பொதுவாக தனியார் மயத்தின் தாத்பர்யம் என்பது Privatizing the Profit, Socializing the Loss என்பதாக இருப்பதை மாற்றியமைக்கும் வழிமுறைகள் ஆராயப்பட வேண்டும். இதற்கு நாம் சீனாவை உதாரணமாக எடுத்துக்கொள்ள முடியும். அங்கேயும் தற்சமயம் ஓரளவு தாரளமயமாக்கல் நடந்துகொண்டுள்ளது; ஆனால் எல்லாம் மிக கடுமையான விதிமுறைகளுக்கு உட்பட்டே. லாபத்தை மட்டும் நிறுவனங்கள் எடுத்துக்கொண்டு, பின்னர் ஏதாவது பிரச்னை என்றால் நட்டத்தை பொதுமக்களிடம் விட்டு விட்டு அங்கே எந்த தனியார் நிறுவனமும் ஓடிவிட முடியாது. அரசுக்கு இருக்கும் அந்த பிடிமானம் இங்கே இல்லை என்பது நீண்டகால நோக்கில் சாமானியர்களை பாதிப்பதாக இருக்கும்.

3. நிதி ஆதாரங்களில் ஜாம்பவானாக இருக்கும் அயல்நாட்டு நிறுவனத்திற்கு ஏற்படுத்திக் கொடுக்கப்படும் அத்தனை வியாபார வசதி வாய்ப்புகளும், சலுகைகளுடன் உள்ளூர் நிறுவனங்களுக்கும் ஏற்படுத்தித் தர வேண்டும். அப்போதுதான் சிறிய அளவிலான தொழில்முயற்சிகளில் மண்ணின் மைந்தர்கள் இறங்கமுடியும். அரபு நாடுகளை இதற்கு ஒரு முன்மாதியாக கொள்ள முடியும். (அதிலும் ஓட்டைகள் உண்டு என்பதை மறுப்பதற்கில்லை). 

4. முக்கியமாக, அந்நிய முதலீடு காரணமாக நடுத்தர நிறுவனங்கள் அழிந்து ஏற்படும் monopoly நிலை முற்றிலுமாக தவிர்க்கப்பட வேண்டும். இன்று அதுதான் திறந்து விடப்பட்ட எல்லா துறைகளிலும் நடந்து கொண்டிருக்கிறது. 

மேலும்...

ஆன்லைன் வர்த்தகமும் விவசாயிகளும்

அத்தியாவசிய உணவு பொருள்கள் மீதான ஆன்லைன் பேர வர்த்தக தடை பற்றி யாரும் விவதிகாதது, யாரும் கவலை படாதது ஏமாற்றம்.

இது அறியாமல் பேசும் பேச்சு. நுனிபுல்கூட மேயாமல் எழுதுகிறார்களோ என்று தோன்றுகிறது. வாய்பாய் அரசு அறிமுகப்படுத்திய அரிசி, கோதுமை போன்றஅத்தியாவசிய உணவு பொருளின் மீதான ஆன்லைன் வர்த்தகத்தை மன்மோகன் சிங் அரசு தூக்கி இரண்டு வருடங்களுக்கும் மேல் ஆகிவிட்டது.(காரணம் அப்போது நாட்டில் பண வீக்கம் விண்ணை முட்டி நின்றது). ரீபைண்ட் ஆயில், உருளை கிழங்கு, சர்க்கரை ஆகியவற்றை தவிர வேறு உணவுடன் சம்மந்தப்பட்ட அத்தியாவசிய பொருள் எதுவும் தற்போது டிரேடிங்கில் இல்லை. (Ref:www.mcxindia.com)

இந்தியாவில் இனிமேல் அரிசியும், கோதுமையும் ஆன்லைன் வர்த்தகத்திற்குள் அனுமதிக்கப்பட வாய்ப்பில்லை என்றே நினைக்கிறேன்.

ஆன்லைன் வர்த்தகம் என்பதைப்பற்றிய அறிதல் இக்கால விவசாயிகளுக்கு மிகவும் அவசியம். தங்களின் நிலையற்ற வேளாண் விளைபொருள் விலை நிர்ணயத்துக்கும் உற்பத்திக்கும் எதிராக ஆன்லைன் வர்த்தகத்தை ஒரு வெற்றிகரமான hedging product-ஆக உபயோகித்துக்கொள்ள முடியும். மேலும் ஒரு குறிப்பிட்ட விளைபொருளின் விளைச்சல் மற்றும் உற்பத்தி நிலையின் போக்கு(trend) பற்றியெல்லாம் நீண்ட கால விவசாயிகளுக்கும் நிச்சயம் தெரிந்திருக்கும். அவர்களெல்லாம் நேரடி விவசாயத்துடன் ஈடுபடுவதுடன் ஆன்லைனிலும் வர்த்தகம் செய்யலாம். அதை விடுத்து வெறுமனே குறைகூறிக்கொண்டு இருப்பது, வளர்ந்து வரும் தொழில் நுட்பம் அறிமுகப்படுத்தும் வர்த்தக வாய்ப்பு நிலைகளை மறுதலிப்பதாகவே அமையும்.

என்னுடைய ஈரோடு வட்டார வாடிக்கையாளர்கள் பலர் மஞ்சளில் ஆன்லைன் வர்த்தகம் மேற்கொண்டு சமீபத்தில் நல்ல லாபம் பார்த்திருக்கிறார்கள். அவர்கள் ஒரு குழுவாக செயல்பட்டு அதில் ஈடுபட்டனர். அவர்களில் பலர் மஞ்சள் உற்பத்தி செய்யும் விவசாயிகளும்கூட என்பது கவனிக்கத்தக்கது.

மேலும்...