இதை எழுதுவதற்கு முன்புகூட ஒருமுறை தினமலரை கடைசிப் பக்கம் வரை புரட்டிப் பார்த்தேன், ம்ம் ஹூம்..! இதைப்பற்றி ஓபாமா டிவியில் தோன்றி சிறப்பு உரையாற்றிய பின்னரும்கூட இங்கே அது பேப்பரில் வரவில்லை என்பது கவனிக்கத்தக்கது.
ஆளும்கட்சி பற்றிய செய்தியாக இருந்தால்கூட புரிந்துகொள்ள முடியும். ஆனால் அமெரிக்க செய்தி ஒன்றுக்கு ஏன் இந்த இருட்டடிப்பு என்பதுதான் புரியவில்லை.
அப்படி இதை அமெரிக்க செய்தி என்று மட்டுமே ஒதுக்கி விட்டு விட முடியுமா என்ன? சூழியலுக்கே எவ்வளவு பெரிய சீர்கேடு இது. Oil spill, எண்ணை முழுதும் தீர்ந்தால்தான் நிற்கும் போலிருக்கிறது. BP-யே திவால் ஆகிவிடும் போலுள்ளது. இதெல்லாம் நம்மூர் பத்திரிக்கைகளுக்கு செய்தியாக தெரியவில்லை என்பது வாசகனை ஏமாற்றும் வேலை. இதனால்தான் இன்று எல்லாவற்றுக்கும் இணையத்தையே சார்ந்திருக்க வேண்டியுள்ளது.
()
போபால் விஷயத்தில் 3.3 பில்லியன் டாலர் நஷ்ட ஈடு கேட்டதற்கு, 450 மில்லியன் டாலர் மட்டுமே இந்தியாவுக்கு தர ஒப்புக்கொண்ட அமெரிக்கா, பிரச்னை அவர்கள் தேசத்தில் என்றதும் BP-யை முழு பொறுப்பாக்குகிறது.
அமெரிக்காவுக்கு ஆமாம் சாமி போடும் அரசாங்கம்தான் அன்றும் இன்றும் இந்தியாவில் இருந்துவருகின்றன. நம் மன்மோகன் சிங் தான் அதில் நம்பர் ஒன். அணுசக்தி ஒப்பந்த விஷயத்தில் ஒரு புதிய ஷரத்து சட்ட வடிவு பெற தயாராக உள்ளது. அதன்படி எவ்வளவு பெரிய அணு விபத்து ஏற்பட்டாலும், குறிப்பிட்ட அளவுக்கு மேல் அமெரிக்கா நஷ்ட ஈடு தராது. Only a fixed compensation. இதை எப்படியாவது நிறைவேற்றிவிட மன்மோகன் சிங் பிரம்ம பிரயத்தனம் செய்து கொண்டிருக்கிறார். எவன் செத்தால் பொழைச்சால் அவருக்கென்ன. அவர் காலம் முடிந்தது. அவர் பிள்ளை அமெரிக்காவில் இனி நன்றாக இருந்தால் போதும். ஆண்டானியா மைனோவுக்கு அமெரிக்காவுடன் நல்லுறவு நீடித்தால் போதும்.
இந்த மாதிரி சமூக விரோத, தேச விரோத, மனித விரோத செய்திகளை எல்லாம் படிக்க படிக்க இருப்பின் மீதே வெறுப்பு உண்டாகிறது. பேசாமல் இணையம், பத்திரிக்கை, செய்திகள், அரசியல் இத்யாதி இத்யாதிகளையெல்லாம் ஒட்டு மொத்தமாக ஏறக்கட்டிவிட்டு, சமூகம், சிந்தனை, விவாதம், வெட்டி பேச்சுக்களை எல்லாம் மூட்டைக்கட்டிவிட்டு, சராசரி இந்தியனாக மாறினால்தான் என் BP-க்கு (இது வேற BPங்னா..) சேதாரம் செய்கூலி(டாக்டருக்கு) இல்லாமல் இருக்கும் என்று தோன்றுகிறது.
0 comments:
Post a Comment