தமிழ் குறும்படச் சூழல்

கர்ண மோட்சத்தை முன்வைத்து;

இன்று இணையம் என்னும் தனிநபர் ஊடகம் இருப்பதாலேயே இதெல்லாம் காண கிடைக்கிறது. இல்லாதிருந்த காலங்களில் எத்தனையோ நல்ல படைப்புகள் குறுகிய வட்டங்களில் மட்டும் பார்க்கப்பட்டு பெட்டிக்குள் முடங்கி விட்டன. இதற்கு யாரையும் குற்றம் சொல்லமுடியாது. ஆனால் அப்படிப்பட்ட குறும்படங்களை திரட்டி வெளிகொணர தமிழில் ஒரு இயக்கம் தேவை. ஆங்கிலத்தில் அப்படிப்பட்ட இணையதளங்கள் இருக்கின்றன. ஆனால் தமிழில் அதற்கான முயற்சிகள் இன்னும் தொடங்கப்பட்டதாக தெரியவில்லை.

தமிழில் ’அச்சமில்லை அச்சமில்லை’ என்று படம் எடுத்த அருண் வைத்தியநாதன் தமிழ் பதிவுலகின் ஒரு ஆரம்ப கால பதிவர். அவர் ஆரம்பத்தில் அப்படிப்பட்ட ஒரு குறும்பட இயக்குநராகவே பரிமளித்துக் கொண்டிருந்தார். பல நல்ல ஆங்கில குறும்படங்களை அவர் பகிர்ந்துகொண்டதெல்லாம் இப்போது ஞாபகம் வருகிறது.

தமிழில் அதிக குறும்படங்கள் ஈழத்தை மையப்படுத்தியே எடுக்கப்பட்டன. அவற்றுள் நான் பார்த்த ’செருப்பு’ என்னால் என்றும் மறக்க இயலாதது. என்னிடம் சேமிப்பில் அது இருக்கிறது என்றே நினைக்கிறேன். தேடி பார்த்து கிடைத்தால் பகிர்ந்துகொள்கிறேன்.

பிற்சேர்க்கை:

Seruppu short film:

Part 1: http://www.youtube.com/watch?v=6GiljXULrjQ

Part 2: http://www.youtube.com/watch?v=SPY9jg6CF2k